If nature could .. (Telugu)

గగనానికి వినికిడి ఉంటే,

ఈ ఏకాంత మౌన రోదనలు విని,

దాని వర్షాశ్రువులతో ఈ ప్రపంచాన్ని ముంచేసేది కదా...

అగ్నికి చూపు ఉంటే,

స్మృతులతో దహనం అవుతున్న ఈ వర్తమానాన్ని చూసి,

తన ప్రళయాగ్ని నర్తన తాండవంతో ఈ లోకాన్ని మసి చేసేది కదా...

నీటికి అరిచే శక్తి ఉంటే,

ఈ అక్షాశ్రువుల ఘోషణ యొక్క శబ్ద తరంగాలతో,

ఈ ప్రపంచం మార్మోగిపోయేది కదా..

పవనానికి పదాల అల్లిక వచ్చి ఉంటే,

నిరీక్షణ భారం మొయ్యలేక స్తంభించి పోతానని విలపిస్తున్న

ఈ శ్వాస యొక్క సందేశాన్ని ఆ దేవుడికి రాసి ఇచ్చేది కదా..

ధరిత్రికి ధర్మ విచక్షణ జ్ఞానం ఉండి ఉంటే,

ఈ అనైతిక పరిణామాన్ని ఓర్వలేక,

తన క్రోధ కంపనాలతో ముక్కలైపోయేది కదా...

ఈ పంచభూతాలకు కరుణ ఉండి ఉంటే,

ఈ కథలో జీవితాలని ముంచేస్తున్న

కన్నీటి ప్రవాహాన్ని అడ్డుకునేది కదా..